“Барса” чемпион ҳужумчини олади
“Барселона” раҳбарияти ёзги трансферлар вақтида “Интер” таркибида Италия чемпиони бўлган Лаутаро Мартинесни олишга ҳаракат қилади.
Аслида каталонияликлар аргентиналик тўпурарни ўтган йили трансфер қилмоқчи бўлганди. Бироқ, миланликлар 111 миллион евро талаб қилгани боис, “Барса” бу мақсадидан воз кечган эди.
Энди Жоан Лапорта бу трансферга қайтмоқчи.
“Барселона” футбол оламида ҳукм сураётган молиявий инқирозни ҳисобга олиб, Лаутаро учун италияликларга 60 миллион евро таклиф қилишга тайёрлигини билдирган.
“Интер” Мартинес билан 2023 йилгача давом этадиган битимга эга бўлишига қарамай, етакчиларини сотишга мажбур. Молиявий инқироз туфайли миланликлар ўз футболчиларидан икки ойлик маошларидан воз кечишларини ҳам илтимос қилмоқда.
Лаутаро Мартинес жорий мавсумда А Серияда 35 та учрашув ўтказиб, 16 та гол урди ва бешта голли пас узатди.
Фикрлар