Артета: "Дьёкереш ўз кучига ишонади"

Лондоннинг "Арсенал" клуби устози Микель Артета жамоанинг янги аъзоси Виктор Дьёкерешнинг мавсумолди учрашувларидаги ўйини ҳақида фикр билдирди. "Тўпчилар" ўртоқлик учрашувида "Вильярреал"га 3:2 ҳисобида мағлуб бўлишди. Швециялик форвард майдонда 60 дақиқа ҳаракат қилди.

"Виктор 100 фоиз, балки ундан ҳам кўпроқ тайёр бўлади. Дьёкереш ўз кучига жуда ишонади, у тезда муваффақиятга эриша олади. Шу ҳафта ичида унинг кайфиятини кўрдим", - дея изоҳ берди испаниялик мутахассис ОАВ вакиллари билан мулоқот чоғида.

Эслатиб ўтамиз, скандинавиялик голеадор шу ёзда Португалиянинг "Спортинг" клубидан келиб, Англия топ-клуби сафига қўшилган эди. Швециялик футболчи "канонирлар" билан 5 йиллик меҳнат шартномасини имзолаган.