“Арсенал”да катта йўқотиш

Англия премьер-лигасининг ҳал қилувчи палласида “Арсенал” катта йўқотишга дуч келди.

The Athletic нашрининг ёзишича, жамоа тўпурари Габриэль Мартинелли энди бу мавсум жамоасига ёрдам бера олмайди.

Бразилиялик футболчи “Брайтон”га қарши учрашувда жароҳат олган эди. Чуқурлаштирилган тиббий текширувлар футболчи қолган баҳсларда қатнаша олмаслигини кўрсатди.

Мартинелли Бразилиянинг “Итуано” клуби тарбияланувчиси ҳисобланади. “Канонирлар” уни 2019 йили 7,1 миллион еврога трансфер қилганди.

Габриэль  жорий мавсумда Англия Премьер-лигасида 36 та учрашувда қатнашиб, рақиблар дарвозасини 15 маротаба ишғол қилиб, жамоадошларига бешта голли пас узатди.