"Арсенал" Германия чемпиони билан келишувга эришди

Германиянинг "Байер" клуби эквадорлик ҳимоячиси Пьеро Инкапье Лондоннинг "Арсенал" клубига ўтишга рози бўлди. Бу ҳақда журналист Фабрицио Романо ўз ижтимоий тармоқларида маълум қилди.

Манбага кўра, шартноманинг шахсий шартлари футболчини тўлиқ қониқтиради. Артета 23 ёшли футболчини ажойиб харид деб ҳисобламоқда ва энди қарорни "Байер" қабул қилади. Трансфер бўйича биринчи таклиф, афтидан, сотиб олиш мажбурияти билан ижарага олишни ўз ичига олади.

Аввалроқ, "Байер" Инкапьени 60 миллион еврога баҳолаётгани ҳақида хабарлар тарқалган эди. Трансфер Якуб Кивиорнинг "Порту"га трансфери бўйича келишув якунига етгач амалга ошиши кутилмоқда.

Инкапье "Байер" сафида 2021 йилдан буён тўп суриб келмоқда. Бу вақт ичида у жамоа билан Германия Бундеслигаси чемпионига айланди ва барча турнирларда 168 та ўйин ўтказди, 35 та огоҳлантириш ва 4 та четлатиш олди, 7 та гол урди ва 5 та голли узатмани амалга оширди.