“Arsenal” bir jamoaga ikki o‘yinchisini sotmoqchi

“Arsenal” yozgi transferlar vaqtida ikki o‘yinchisi bilan xayrlashishni rejalashtirmoqda.

“Kanonirlar” hujumchi Eddi Nketia va yarim himoyachi Reyss Nelsonni qo‘yib yuborishga tayyor. Klub bu o‘yinchilar bo‘yicha har qanday taklifni ko‘rib chiqadi.

Nketia va Nelsonga aniq xaridor ham bor. “Kristal Pelas” mutasaddilari bu ikki futbolchi uchun pul tikishga tayyor.

Nketia joriy mavsumda Angliya Premer-ligasida 27 ta uchrashuvda beshta gol va ikkita assist muallifi bo‘ldi. Nelson esa, 15 marotaba maydonga tushib, o‘zini ko‘rsata olgani yo‘q.