"Арсенал" "Барселона" юлдузига кўз тикмоқда

"Арсенал" бош мураббийи Микель Артета жамоага ижодкорлик ва тажриба қўшиш учун янги футболчи билан шартнома имзоламоқчи. Fichajes нашри хабар беришича, Лондон клуби "Барселона" ярим ҳимоячиси Френки де Йонгга кўз тикмоқда.

28 ёшли де Йонгнинг "Барселона" билан амалдаги шартномаси 2025/2026 йилги мавсум охиригача мўлжалланган, яъни келаси ёзда нидерландиялик эркин агентга айланиши мумкин. Вазиятни инобатга олган ҳолда, каталонияликларга нидерландияликни қишда сотиб юбориш фойдалироқ бўлиши мумкин, шунда ярим йилдан кейин бепул қўлдан бой берилмайди.

Нуфузли Transfermarkt портали Френки де Йонгни 45 миллион еврога баҳоламоқда.