Арне Слот: Экитике жаримага тортилмайди

"Ливерпуль" бош мураббийи Арне Слот ҳужумчи Юго Экитикенинг жаримага тортилмаслиги ҳақида таъкидлади. 

"Юго жаримага тортилмайди. Биз у билан суҳбатлашдик. Жамоадошларидан узр сўради. Майда нарсалар учун футболчиларни жаримага тортиб, уларни руҳиятини тушуришни истамайман. Экитике - ҳали ёш ва кўп нарсаларни ўрганиши ва ҳиссиётларни жиловлай билиши керак", - деди нидерландиялик мутахассис.

Маълумот учун, франциялик форвард Англия лига кубоги доирасида "Саутгемптон"га қарши баҳсда ғалаба голини урганидан сўнг либосини ечиб ташлагани учун иккинчи сариқ карточка билан жазоланиб майдондан четлатилган эди.