APL. "Arsenal" safarda "Vulverxempton"ga imkoniyatni boy berdi

"Moline" stadionida kechgan uchrashuvda mezbonlar 3:1 hisobidagi ishonchli g‘alabani qo‘lga kiritishdi. Ruben Nevesh, Mett Doerti va Diogu Jotalar tomonidan kiritilgan gollarga "to‘pchilar" safida Sokratis Papastatopulos bir bor javob qaytara oldi xolos.

Shu tariqa, "bo‘rilar" hisobidagi ochkolar soni 51 taga etdi va jamoa turnir jadvalida 7-o‘ringa ko‘tarilib oldi. Unai Emeri shogirdlari esa 66 ochko bilan 5-pog‘onada qolishdi.