Andrey Fyodorov: "Lokomotiv" bugun g‘alabaga haqli emas edi

"Bu o‘yinni muhokama qilish qiyin. O‘yinimiz o‘xshamadi. Past tezlikda o‘ynadik. “Bunyodkor” e’tiborini himoyaga qaratgani bois, ular qarshi hujumlarga o‘tib ketishdi.

Yigitlardan to‘pni tezroq harakatlantirishni so‘ragan edim. Biroq o‘yin o‘xshamadi. Shu boisdan ayta olaman, bugungi natija adolatli edi. Bugun biz g‘alabaga loyiq emasdik. Birinchi bo‘limda yaxshi vaziyatlardan foydalana olmagan bo‘lsak ham shu fikrimda qolaman. O‘yin borasida boshqa izoxim yo‘q", - deb Fyodorovning so‘zlarini keltirib o‘tdi klub rasmiy sayti.