Anchelotti: "Unga o‘rgatish kerak emas"

Karlo Anchelotti Benzema "Oltin to‘p"ni yutishiga ishonishi haqida gapirib o‘tdi.

"Karimga o‘rgatish yoki yo‘llanma berish shart emas. Undan faqat foydalanish kerak. Benzema o‘ziga-o‘zi murabbiy va haqiqiy professional, kamtar va yaxshi o‘yinchi. 

Karim bu mavsum biz bilan juda ko‘p uchrashuvlarda g‘alaba qozondi va ajoyib ko‘rsatkich qayd etmoqda. Hozir u eng yaxshi futbolchilardan biri va hamon kamtarlik qilishda davom etmoqda. Bu uning kuchi. 

U "Oltin to‘p"ni qo‘lga kiritadi. Shunday bo‘lsa-da, Karimning bu yutuqlari faqat o‘zi tufayli emas. Buning ortida kuchli klubning kuchli strukturasi turibdi", - dedi Anchelotti.