Anchelotti “Real”ga ko‘p gol uradigan hujumchi topdi

“Real” rahbariyati hujum chizig‘ini kuchaytirish borasida izlanishlarni davom ettirmoqda. “Qirollik klubi” bosh murabbiyi Karlo Anchelotti hujum markazida Aleksandr Isaakni ko‘rmoqchi.

24 yoshli shvetsiyalik hujumchining transfer huquqi “Nyukasl”ga tegishli.

Madridliklar bosh murabbiy talabiga ko‘ra, bu transferni yanvarda amalga oshirishga tayyorgarlik ko‘rmoqda.

Aleksandr Isaakning “qarg‘alar” bilan shartnomasi 2028 yilning yozigacha tuzilgan. Biroq xaridorlar uning transferini 70 million evro atrofidagi mablag‘ evaziga hal qilish imkoniyatiga ega.