Anchelotti Benzemaning qarorini oshkor qildi

“Real” sharafini himoya qilayotgan “Oltin to‘p” sohibi Karim Benzema faoliyatini qaerda davom ettirish bo‘yicha bir qarorga keldi.

So‘nggi ma’lumotlarga qaraganda, frantsiyalik to‘purar 2024 yilning yozigacha Madridda qoladigan bo‘ldi. Bu ma’lumotni “Qirollik klubi”ning bosh murabbiyi Karlo Anchelotti ham tasdiqladi.

Karim kelasi mavsum ham jamoamizning 9-raqamli futbolchisi bo‘ladi va har doimgidek o‘zini ko‘rsatadi, - dedi Karlo Anchelotti.

Karim 2009 yildan beri “Real”da to‘p tepmoqda. Uning gollari o‘tgan mavsumda jamoaga Ispaniya chempionligi va Chempionlar ligasi g‘olibligini keltirdi.