Ana xolos! "Real" super yulduzidan hafsalasi pir bo‘lgan

"Real"ning braziliyalik hujumchisi Vinisius Junior endi "qirollik klubi"ga kerak emas. Bu haqda Fichajes xabar bermoqda.

Manbaga ishonadigan bo‘lsak, Vinisius Klublar o‘rtasidagi Jahon chempionatida sust va qoniqarsiz o‘ynagani uchun "Real"ning hafsalasi pir bo‘lgandi. Shu munosabat bilan "qaymoqranglilar" braziliyalik futbolchini joriy transferlar davridayoq qo‘yib yuborishga tayyor. Ularni 150 million evrolik taklif qoniqtirishi aytilmoqda.

Bu mavsumda 25 yoshli Vinisius barcha musobaqalarda 58 ta o‘yinda maydonga tushib, 22 ta gol urdi va 19 ta golli uzatmani o‘z hisobiga yozdirib qo‘ydi.

Hujumchining "Real" bilan amaldagi mehnat shartnomasi 2027 yilning yozigacha mo‘ljallangan.