Аморим — Майну ҳақида: "У асосий режамдан жой олган, лекин рақобат кучли"

"Манчестер Юнайтед" бош мураббийи Рубен Аморим жамоа ярим ҳимоячиси Кобби Майнунинг имкониятлари ҳақида фикр билдирди.

"Майну ярим ҳимоянинг ҳар икки позициясида ҳам ўйнай олади. Ўтган мавсумда у кўпроқ ҳужумкор ролда ҳаракат қилди. У доимий равишда тўп билан алоқада бўлиши керак. Мен уни жуда иқтидорли деб ҳисоблайман, лекин буни мендан ҳам яхшироқ биласизлар.

Менимча, у билан ритм ва темп борасида кўпроқ ишлаш керак. Айрим пайтларда у ажойиб ўйнайди, лекин янада кучли бўлиши мумкин. Менда унинг учун катта режалар бор, аммо жамоада рақобат жуда кучли" – дейди мураббий "UtdDistrict"га берган интервьюсида.

Маълумот учун, 19 ёшли англиялик футболчи МЮ сафида 72 ўйинда 7 та гол ва 2 та ассист қайд этган.