"Al-Axli" "Real" yulduzidan voz kechmayapti

"Real" hujumchisi Vinisius Juniorga Saudiya Arabistoni chempionati klublari hamon qiziqish bildirmoqda. Bu haqda Insayder Ben Jeykobs ijtimoiy tarmoqlar orqali xabar berdi.

Braziliyalik futbolchining Madridda qolish istagida bo‘lishiga qaramay, "Al-Ahli" jamoasi uni o‘z safiga qo‘shib olishni xohlamoqda.

Eslatib o‘tamiz, Vinisiusning "qirollik klubi bilan amaldagi mehnat shartnomasi muddati 2027 yilning o‘rtalariga qadar hisoblangan. Joriy mavsumda yulduz forvard “Real” safida 44 ta o‘yinda maydonga tushib, 19 ta gol urdi va 11 ta golli uzatmani amalga oshirdi.