Aguero faoliyatini davom ettira olmasligidan qo‘rqmoqda

"Barselona" hujumchisi Serxio Aguero yuragi bilan bog‘liq muammolar tufayli o‘zining professional kelajagi borasida qayg‘urmoqda. 

Kecha Kataloniya klubi matbuot xizmati forvard kamida 3 oyni o‘tkazib yuborishini ma’lum qilgan edi. 

"Diario Sport" xabariga ko‘ra, Aguero professional faoliyatini davom ettira olmasligidan qo‘rqmoqda. U uzoq vaqt safdan chiqqanidan tushkunlikka tushgan. So‘nggi ikki oydan beri Madridda yashayotgan onasi va ukasi Serxioni qo‘llab-quvvatlash uchun Barselonaga ko‘chib keldi. 

Ma’lumot o‘rnida, 33 yoshli goleador oktyabr oyi oxirida debyut qilgandi. U La Ligada 4 ta o‘yinda ishtirok etib, 1 ta gol urishga muvaffaq bo‘ldi.