Xosep Gvardiola: Agueroning klub oldidagi xizmatlaridan minnatdormiz

"Manchester Siti" klubi bosh murabbiyi Xosep Gvardiola argentinalik hujumchi Serxio Agueroning jamoa bilan amaldagi shartnomasini uzaytirgani borasida o‘z fikrini bildirib o‘tdi.

“Men Serxioni majburlamadim, bu uning qarori. Biz uning klub oldidagi xizmatlaridan minnatdormiz. Serxio Aguero, Vensan Kompani va David Silva kabi futbolchilar o‘z faoliyatlaridagi eng muhim qarorlarni qabul qilishyapti va har bir mashg‘ulotda klubga sodiqliklarini isbotlashadi. Men bundaylarni qadrlayman va albatta Serxioning o‘n yil davomida klubda qolishidan xursandman”, - deydi tajribali mutaxassis.