Vitaliy Klichko Kievda Lennoks Lyuis bilan jang qiladi

Super og‘ir vazn toifasining sobiq jahon chempioni, Kiev meri Vitaliy Klichko ushbu vaznda sobiq mutloq jahon chempioni britaniyalik Lennoks Lyuis bilan jang o‘tkazadi, deya xabar beradi aka-uka Klichkolar fan-klubi sayti.

Mazkur ko‘rgazmali jang 30 sentyabr – 5 oktyabr kunlari WBCning Kievda o‘tadigan 56-kongressida tashkil qilinadi. Jang xayriya auktsioni doirasida bo‘lib o‘tadi. Jang shartlari keyinroq e’lon qilinadi.

Eslatib o‘tamiz, Lennoks Lyuis – Vitaliy Klichko jangi 2003 yili 21 iyun kuni bo‘lib o‘tgan va o‘shanda ukrainalik bokschining jarohati sababli to‘xtatilgan hamda Lyuisning g‘alabasi e’lon qilingan.