Toshkentda og‘ir atletika bo‘yicha konferentsiya bo‘lib o‘tdi

Bugun Toshkent shahrida «Miran International Hotel» mehmonxonasida Og‘ir atletika federatsiyasining yil sarhisoni bo‘yicha konferentsiyasi bo‘lib o‘tdi.

Konferentsiyada 2013-2016 - yillar mobaynidagi qilingan ishlar, yutuqlar va kamchiliklar yuzasidan atroflicha muhokama qilindi. Konferentsiyani O‘zbekiston Og‘ir atletika federatsiyasi prezidenti Botir Erkinovich Zokirov federatsiyaning bugungi yutuqlari bilan boshladi. Xususan, og‘ir atletikachilarimizning Rio Olimpiadasidagi g‘alabalari, jahon va Osiyo chempionatlaridagi munosib ishtiroki alohida ta’kidlab o‘tildi.