Салах “Реал”га ўтиш учун ўз шартларини айтди

Англиянинг “Ливерпуль” клуби ҳужумчиси Мохамед Салах фаолиятини Мадридда давом эттириши мумкин. Бу ҳақда Don Balon нашри хабар бермоқда.

Манбанинг маълум қилишича, АПЛда яхши ўйин намойиш этаётган мисрлик юлдузни “Реал” вакиллари кузатишган ва музокара олиб боришган. Лекин “қироллик клуби” вакиллари жиддий шартларни эшитишди.

Унга кўра Салах Гарет Бэйлнинг тақдирини такрорламаслик учун асосий таркибдан жой талаб қилган. Бундан ташқари футболчи Криштиану Роналду каби юқори маош сўраган. Қолаверса, “Реал”га янги дарвозабон “Рома” посбони Алиссонни олиб келиш кераклигини айтган.