Рио Фердинанд “МЮ”га Бэйл ва Гризманнинг олиб келинишини хоҳламоқда

“Манчестер Юнайтед” клуби собиқ футболчиси Рио Фердинанд трансферлар учун пулни аямаслигига ишончи комил эканлигини айтиб ўтди. Унинг сўзларига кўра, клубга “Реал” аъзоси Гарет Бэйл ва “Атлетико” ҳужумчиси Антуан Гризманнинг ёрдами тегар экан.

– “Манчестер Юнайтед”да пулдан муаммо йўқ. Уларнинг ўрнида бўлганимда мен Бэйл ва Гризманн билан шартнома имзолаган бўлар эдим. Бу иккисини тенглаштириб бўлмайди ва ажойиб футболчилардир. Шунингдек, уларнинг ўйнаш услуби ҳам ҳар хил, – дейди Фердинанд Squawka нашрига.

Эслатиб ўтамиз, 25 ёшли франциялик футболчи “қизил иблислар” сафига келиб қўшилиши мумкин. Унинг трансфер нархи 80 миллион фунт стерлингга баҳоланмоқда.