Pogba va Matich MYu mashg‘ulotlariga kelmadi, Sanches esa umumiy guruhda shug‘ullanmoqda

“Manchester Yunayted” klubi  Angliya premer-ligasining “Brayton”ga qarshi o‘yiniga tayyorgarlikni boshlab yubordi.

BT Sport tarqatgan xabarga ko‘ra bugungi mashg‘ulotlarda Pol Pogba va Nemanya Matichlar  ishtirok etishmagan. Serbiyalik futbolchi o‘g‘il farzandli bo‘lgani uchun vataniga jo‘nab ketgan, ammo frantsiyalik futbolchining nega mashg‘ulotlarga kelmagani ma’lum emas. Shuningdek Kris Smolling ham mashg‘ulotlarga kelmagan.

Biroq, uzoq vaqtdan buyon jarohat olib maydonga tusha olmagan Aleksis Sanches umumiy guruh mashg‘ulotlariga qo‘shilgan.