PSJ Frantsiya futboli tarixiga kirdi

Xabaringiz bor kecha Frantsiya chempionatining 7-turida amaldagi chempion hisoblangan PSJ o‘z maydonida “Reyms”ni 4:1 hisobida taslim qildi.

Opta nashri tarqatgan xabarga ko‘ra parijliklar Frantsiya chempionatining dastlabki 7ta turining barchasida 3tadan kam gol urmagan ilk jamoaga aylanishdi. Eslatib o‘tish lozimki, PSJ bundan avvalgi turlarda «Renn» (3:1), «Sent-Etenn» (4:0), «Nim» (4:2), «Anjer» (3:1), «Gengam» (3:1) va «Kan» (3:0) jamoalari darvozasiga eng kamida 3ta gol urib g‘alaba qozongan.

Bundan tashqari Tomas Tuxel boshqaruvidagi jamoa mamlakat chempionati tarixida mavsumning ilk 7ta turida ketma-ket g‘alaba qozongan 3-jamoaga aylandi.