Oblak Filipe Luisning ketishi haqida: Bu yomon, lekin, biz uning qarorini hurmat qilishimiz kerak

“Atletiko” Madrid darvozaboni Yan Oblak braziliyalik himoyachi Filipe Luisning jamoadan ketishi mumkinligi haqidagi xabarlarga o‘z munosabatini bildirib o‘tdi.

“Filipe Luisning ketishi? Voqealar rivojini kuzatamiz. Albatta, bu biroz yomon. Unda kuchli jamoaga qo‘shilish imkoniyati mavjud va biz uning bu qarorini hurmat qilishimiz kerak”, - deydi sloveniyalik posbon.

Eslatib o‘tamiz, bundan avvalroq Filipe Luis “Atletiko” rahbariyatidan o‘zini PSJga qo‘yib yuborishni so‘rayotgani haqida xabarlar tarqalgan edi.