"Napoli" etakchilari 2ta o‘yinga chetlatilishdi

"Napoli" klubi a’zolari Kalidu Kulibali va Lorentso Insine 2tadan o‘yinga diskvalifikatsiya qilinishdi. Bu haqda Football Italia nashri xabar bermoqda.

Eslatib o‘tamiz, Kulibali va Insine kecha “Inter”ga (1:0) qarshi bahsda hakam tomonidan qizil kartochka ko‘rsatilib, maydondan chetlatilishgan edi.

Insine bundan tashqari hakamni haqorat qilgani uchun yana 10 ming evro jarima ham to‘laydigan bo‘ldi.

O‘z navbatida mahalliy muxlislar Kulibaliga nisbatan irqchilik qilganliklari uchun "Inter" ham jiddiy jazolandi. Unga ko‘ra "neradzurrilar" bo‘lajak 2ta uy o‘yinini muxlislarsiz o‘tkazishadi.