Моуриньо собиқ шогирдини "Олд Траффорд"га олиб келмоқчи

"Манчестер Юнайтед" клуби бош мураббийи Жозе Моуриньо қишки трансферлар даврида жамоа ҳимоя чизиғини кучайтирмоқчи.

Daily Star нашри тарқатган хабарга кўра португалиялик мутахассис бу борада айни дамда "Борнмут"да тўп сураётган “Челси”даги собиқ шогирди Натан Акени кўз остига олиб қўйган.  Эслатиб ўтиш лозимки, "Борнмут" Акени 2017 йил “Челси”дан 23 млн еврога харид қилган эди.

Айтиш лозимки Акега шунингдек "Тоттенхэм"дан ҳам қизиқишлар пайдо бўла бошлаган. Гап шундаки “шпорлар” ушбу голландиялик футболчини ёзда жамоадан кетиши кутилаётган ҳимоячи Тоби Алдервейрельдга муносиб ўринбосар сифатида қарашмоқда.