"Милан" ҳужумчисини сотмоқчи, аммо...

Италиянинг "Милан" клуби ўзининг колумбиялик ҳужумчиси Карлос Бакка билан хайрлашмоқчи. Бу ҳақда Football Italia нашри хабар тарқатмоқда.

Юқоридаги манбаанинг маълум қилишича “россонерилар” 31 ёшли футболчининг трансферидан камида 15 миллион евро ишлаб олишмоқчи. Бироқ, унга қизиқиш билдираётган ҳеч бир клуб “Милан”га бунча маблағ тўламоқчи эмас.

Эслатиб ўтамиз, бундан аввал "Вильярреал" ўтган мавсумни ижара асосида ўз сафида ўтказган Бакка учун “Милан”га 8 млн евро таклиф қилгани ва якунда рад жавоби олгани ҳақида хабарлар тарқалган эди.