“Milan” Diego Simeonening o‘g‘lini sotib olishni rejalashtirmoqda

Italiyaning “Jenoa” klubi hujumchisi Jovanni Simeone faoliyatini boshqa jamoada davom ettirishi mumkin. Bu haqda Calciomercatoweb sayti xabar bermoqda.

Manbaning ma’lum qilishicha, Jovanni Simeone “Milan” qiziqishlari doirasiga kirib qolgan. 21 yoshlik forvard mavsum yakunlangach Milanga ko‘chib o‘tishi mumkin.

Ma’lumot o‘rnida, argentinalik hujumchi bu mavsum Italiya chempionatida 19 o‘yinda 8 ta gol urishga erishdi.