Merganlarimiz Hindistondagi Jahon kubogiga yo‘l olishdi

20-28 fevral kunlari Hindistonning Nyu-Deli shahrida o‘q otish bo‘yicha Jahon kubogi 1-bosqich bahslari bo‘lib o‘tadi. Bu haqda Milliy olimpiya qo‘mitasi rasmiy sayti xabar bermoqda.

Tokio Olimpiadasiga reyting ochkolarini taqdim etuvchi mazkur bahslarda jahonning 58 mamlakatidan 495 nafar sportchi ishtirok etadi.

Bahslarda o‘zbekistonlik merganlar ham sovrinli o‘rinlar hamda qimmatli reyting ochkolari uchun kurash olib boradilar.

Terma jamoamiz musobaqaga quyidagi tarkibda yo‘l oldi:

Vadim Skorovarov
Azizjon Muhamedrahimov
Sakina Mamedova
Margarita Orlova
Olima Komilova
Elena Kuznetsova.