"Манчестер Юнайтед" ПСЖга қарши жавоб баҳси олдидан жиддий йўқотишга учради

Хабарингиз бор, кеча "Манчестр Юнайтед" Чемпионлар лигаси 1/8 финал дастлабки баҳсида ўз майдонида ПСЖга (0:2) имкониятни бой бериб қўйди.

Шу куни учрашувнинг 90-дақиқасида манкуанликлар етакчиси Поль Погба ҳакам томонидан иккинчи сариқ карточка билан огоҳлантирилди ва майдондан четлатилди. Энди франциялик футболчи 6 март куни Парижда бўладиган муҳим баҳсда жамоасига ёрдам бера олмайди.

Маълумот учун, Погба жорий мавсум 23та ўйинда иштирок этиб ўз ҳисобига 8та гол ҳамда 11та голли узатма ёздириб қўйишга эришди.