Kichik Simeone faoliyatini otasining jamoasida davom ettirishi mumkin

Madridning "Atletiko" klubi bosh murabbiyi Diego Simeonening o‘g‘li va "Jenoa" klubi hujumchisi Jovanni Simeone faoliyatini otasi boshqarib borayotgan jamoada davom ettirishi mumkin.
Tuttomercatoweb nashrining xabar berishicha 21 yoshli argentinalik futbolchi "matraschilar"ning yozgi transfer davridagi asosiy "nishoni"dan biriga aylangan. Ta’kidlash kerakki, "Jenoa" qishda Simeoneni "Vilyarreal"ga 20 million evro evaziga sotmagan edi. 

Ma’lumot uchun, Jovanni Simeone joriy mavsum Italiya A Seriyasining 25ta uchrashuvida maydonga tushib, o‘z hisobiga 10ta gol hamda 1ta golli uzatma yozdirib qo‘yishga erishgan.