Istomin Iroda To‘laganovadan keyin ikkinchi bo‘ldi

Erkaklar o‘rtasidagi tennis bahslarining yakkalik bellashuvlarida finalda xitoylik Vu Yimingni 2:6, 6:2, 7:6 hisobida mag‘lub etgan Istomin  faoliyatida ilk bor Osiyo o‘yinlari oltin medalini qo‘lga kiritdi.

Tennischilarimiz orasida qit’a o‘yinlarida g‘olib chiqqan ilk va so‘nggi tennischimiz Iroda To‘laganova edi. To‘laganova 2002 yil Pusan shahrida  o‘tgan Osiyo o‘yinlarining yakkalik bahslarida oltin medalni qo‘lga kiritgan edi va Istomin bu borada ikkinchi bo‘ldi.