"Челси"нинг таклифи "Ювентус"ни қониқтирмади

Туриннинг “Ювентус” клуби ўзининг икки етакчи футболчиси – ҳимоячи Даниэле Ругани ҳамда ҳужумчи Гонсало Игуаинларнинг трансфери борасида “Челси”дан келган таклифни рад этди.

Football Italia тарқатган хабарга кўра лондонликларнинг бу борадаги 90 миллион евролик таклифи “кекса синьора”ни қониқтирмаган. Турин супер клуби Ругани ва Игуаинни 100 миллион евродан камига сотмоқчи эмас.

Таъкидлаш лозимки, ушбу икки футболчининг трансферини улар билан А Серияда бирга фаолият олиб борган ва айни дамда “Челси”бош мураббийи сифатида иш бошлаган Маурицио Сарри жамоа раҳбариятидан талаб қилмоқда.