"Челси" ўз тарихидаги энг қиммат трансферни амалга оширмоқчи

Лондоннинг "Челси" клуби ўзининг трансфер рекордини янгилашга тайёр. Бу ҳақда Sunday Mirror нашри хабар тарқатмоқда.

Юқоридаги манбаанинг ёзишича “аристократлар” ҳамон “Кристал Пэлас” форварди Уилфрид Заани қўлга киритиш фикридан қайтишмаяпти. Унга кўра “Челси” 25 ёшли кот-д’ивуарлик футболчи учун ҳамшаҳарига нақд 84 миллион евро таклиф қилмоқчи.

Маълумот учун, Заа ўтган мавсум “Кристал Пэлас” сафида жами 29та ўйинда майдонга тушиб, ўз ҳисобига 9та гол ҳамда 5та голли узатма ёздириб қўйишга эришган.