Бэйл "Реал"дан кетмайди, агар...

Жамоанинг асосий таркибида ўз ўрнини йўқотган Гарет Бэйл “Реал”дан кетишни режалаштирмаяпти. Агар жамоа раҳбарияти уни трансферга қўйишмаса уэльслик футболчи янги мавсумни ҳам “қироллик клуби”да ўтказмоқчи.

Эслатиб ўтиш лозимки, бундан аввалроқ “Реал” ушбу футболчини 120 млн евро эвазига сотиб юборишни режалаштираётгани эканлиги ҳақида хабарлар тарқалган эди. Унга асосий даъвогар сифатида “Манчестер Юнайтед” клуби тилга олинмоқда. Айтиш лозимки, Бэйлнинг мадридликлар билан амалдаги шартномаси 2022 йилга қадар имзоланган.

Маълумот учун, 28 ёшли футболчи жорий мавсум Ла Лигада жами 20та учрашувда иштирок этган ва ўз ҳисобига 11та гол ҳамда 3та голли узатма ёздириб қўйишга эришган.