Benzema "Napoli"ning yozgi transferlar mavsumidagi asosiy "nishoni"ga aylandi

“Napoli” klubi yangi bosh murabbiyi Karlo Anchelotti jamoaning mavsumlar oralig‘idagi xarid qilinishi kerak bo‘lgan asosiy transferlarga aniqlik kiritdi.

Football Espana nashri tarqatgan xabarga ko‘ra, Anchelotti neapolliklar prezidenti Aurelio De Laurentisdan “Real” hujumchisi Karim Benzemani olib kelishni so‘ragan.

Bu bilan mutaxassis kelasi mavsumda chempionlik poygasida “Yuventus”ni ortda qoldiradigan jamoa tuzishni maqsad qilgan. Anchelotti Benzema bilan birga 2013-2015 yillarda “Real” birga faoliyat olib borgan.

Avvalroq Anchelotti “Napoli”da “Bavariya” yarim himoyachisi Arturo Vidal va “Milan” etakchisi Susoni ko‘rishni istayotganini aytib o‘tgan.