«Barselona» Rafinya bilan shartnomani uzaytiradi va «Betis»ga ijaraga berib yuboradi

“Barselona” yarim himoyachisi Rafinya Alkantara mavsumni “Betis”da o‘tkazishga yaqin turibdi.

Goal.com internet nashri tarqatgan xabarga ko‘ra braziliyalik futbolchi tez orada kataloniyaliklar bilan amaldagi shartnomasini 2021 yilga qadar uzaytiradi va shundan so‘ng ijara asosida “Betis” safiga borib qo‘shiladi. Ta’kidlash kerakki, Rafinyaning “ko‘k-anor ranglilar” bilan amaldagi shartnomasi 2020 yilga qadar imzolangan.

Eslatib o‘tamiz, Rafinyaga shuningdek Lissabonning “Benfika” klubi ham jiddiy qiziqish bildirayotgan edi.