A Seriyaning 3-turi “San-Siro”dagi markaziy o‘yin bilan boshlanadi

Bugun Italiya A Seriyasining 3-tur uchrashuvlariga start beriladi. E’tiborlisi, turni “Milan” hamda “Roma” klublari o‘rtasidagi markaziy uchrashuv boshlab beradi. Odatda ushbu jamoalarning o‘zaro qarama-qarshiliklari doimo tomoshabop bo‘lib kelgan.

Quyida esa “Milan” va “Roma” jamoalari to‘qnashuviga oid ba’zi qiziqarli ma’lumotlar bilan tanishib olishingiz mumkin:

- “Milan A Seriya doirasida o‘tkazilgan so‘nggi 7ta uy uchrashuvining bor yo‘g‘i 1tasida mag‘lub bo‘lgan. 3ta o‘yinda g‘alaba qozongan bo‘lsa, qolgan 3tasida durang qayd etgan.

- “Roma” esa chempionat doirasida o‘tkazilgan so‘nggi 3ta bahsdan faqat 1tasida g‘olib chiqqan. 1ta o‘yinda durang qayd etgan, yana 1tasida mag‘lub bo‘lgan.

- Ushbu jamoalarning “San-Siro”da kechgan so‘nggi 3ta o‘yinida rimliklarning qo‘li baland kelgan. Ammo, “Roma” o‘shangacha 5 yil davomida “Milan” maydonida g‘alaba qozona olmagan.