5 та гол урилган ўйинда "Рома"га мағлуб бўлган МЮ финалга чиқди

Европа Лигаси ярим финал босқичидан ўрин олган "Рома" ва "Манчестер Юнайтед" жамоалар ўртасидаги жавоб учрашуви ўз якунига етди. Унда мезбонлар 3:2 ҳисобида ғалаба қозонди.

"Бўрилар" таркибида Эдин Жеко, Бриан Кристанте ҳамда Никола Залевски рақиб дарвозасини ишғол этган бўлса, "қизил иблислар" ҳужумчиси Эдинсон Кавани дублни расмийлаштирди.

Шундай қилиб, икки ўйин ҳисобида кўра, 8:5 ҳисобида ғалаба қозонган манчестерликлар финал йўлланмасини қўлга киритди.

• 90+4'
  

  Учрашув якунланди. МЮ Европа Лигаси финалига чиқди!

• 90+2'
  

  Уильямс ҳужумда қоида бузди. Ҳакам уни огоҳлантирди.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Рэшфорд ўз омадини синаб кўрди. Миранте тўпни ушлаб олди.

• 86'

  Кристантенинг жарима майдони ичидан йўллаган зарбасини дарвозабон қайтарди.

• 84'
  

  Бруну Фернандеш ўз ўрнини Хуан Матага бўшатиб берди.

• 83'
  

  ГООООООООООЛ! "Рома" ҳисобда олдинга ўтиб олди!

  Никола Залевскининг зарбасидан кейин тўп рекошет натижасидан Де Хеанинг оёқлари орасидан ўтиб кетди.

• 80'

  "Бўрилар" бироз чарчагандек кўринмоқда. Энди аксарият ҳужумлар хавфга қадар етиб бормаяпти.

• 78'

  Жамоадоши оширган тўпга Гринвуд ета олмади.

• 76'

  Сўнгги дақиқаларда майдон эгалари фаолроқ бўлишга интилмоқда.

• 74'
  

  Кавани ўрнига Рэшфорд майдонга тушди.

• 72'
  

  Эдинсон Каванига сариқ карточка кўрсатилди.

• 70'
  

  Бруно Перес ўз ўрнини Давиде Сантонга бўшатиб берди.

• 68'
  

  ГОООООООООООЛ! МЮ рақибга имконият қолдирмади!

  Бруну Фернандешнинг заргарона узатмасидан кейин Кавани дублни расмийлаштирди.

• 66'

  Гринвуднинг зарбасидан кейин тўп устун ёнгинасидан ўтиб кетди.

• 64'
  

  Бу сафар Миранте яхши ҳаракат қилди. Брунунинг зарбасини рақиб посбони бартараф этди.

• 62'
  

  Нималар бўлмоқда?! Де Хеа бу сафар тахминан 3-4 метр масофадан берилган зарбаси қайтарди. Манчестерликлар уйғонмаса, кейин кеч бўлиши мумкин.

• 61'
  

  Мезбонлар рақибни шокдан чиқармаяпти. Бу сафар дабл-сейв амалга оширган Де Хеа жамоасини қутқарди.

• 60'
  

  ГОООООООООООЛ! "Рома" қайтмоқда!

  Кристантенинг жарима майдони чизиғидан берган зарбаси дарвоза тўридан жой олди.

• 58'
  

  Рақибига нисбатан қоида бузган Фред огоҳлантирилди.

• 57'
  

  ГООООООООООЛ! Римликлар тарози паллаларини тенглаштирди!

  Педронинг узатмасидан кейин Эдин Жеко боши билан дарвозага тўғирлаб юборди.

• 54'
  

  Эдинсон Кавани воқеалар ривожидан илгарилаб кетди. Ҳакам хуштагини чалди.

• 51'
  

  Пеллегринининг ўткир бурчакдан йўллаган зарбасини дарвозабон эгаллаб олди.

• 48'

  Жарима майдони ичида тўп Магуайрнинг қўлига тегди. Феликс Брих ўйинни давом эттиришга рухсат берди.

• 46'
  

  Иккинчи тайм бошланди!

• 46'
  

  Бўлимлар оралиғида МЮда ўзгариш: Теллес ва Уильямс майдонга тушди. Улар Уан-Биссака ҳамда Шоуни алмаштирди.

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'

  Меҳмонлар ўта чиройли комбинацион ҳужум уюштирди. Бироқ Бруну Фернандеш сўнгги нуқтани қўйишда бироз янглишди.

• 45'
  

  Биринчи таймга 3 дақиқа қўшиб берилди.

• 43'

  Ўйин "қизил иблислар"нинг катта устунлиги остида давом этмоқда.

• 41'
  

  Гейнрих Мхитаряннинг жарима майдони ичидан йўллаган зарбасини Де Хеа қайтарди.

• 41'

  МЮнинг "иштаҳаси очилиб кетди". Бу сафар Гринвуд хавфли зарба берди. Аммо тўп устун ёнидан ўтиб кетди.

• 39'
  

  ГОООООООООООЛ! Кавани жамоасининг қарши ҳужумини муваффақиятли якунлади!

  Фреддан пас қабул қилиб олган Эдинсон жарима майдони ташқарисидан кучли зарба йўллаб, ҳисобни очди.

• 37'

  Устунлик "бўрилар" томонга ўтди. Аммо улар буни таблога кўчира олмаяпти.

• 35'
  

  Де Хеа бугун юқори даража намойиш этмоқда. Давид жарима майдони ичидан берилган бу сафарги зарбадан кейин тўпни ушлаб олди.

• 34'
  

  Пеллегрини яқин масофадан кучли зарба берди. Де Хеа ўз ўрнида.

• 33'

  Кавани ноаниқ узатмаси туфайли жамоаси ҳужумини барбод қилди.

• 31'

  Мхитарян ҳисобни очиши мумкин эди. Бироқ унинг зарбаси ноаниқ кетди.

• 30'
  

  Жароҳат олган Смоллинг ўз ўрнини Эбрима Дарбога бўшатиб берди.

• 28'
  

  Крис Смоллингга тиббий ёрдам керак.

• 26'
  

  Кавани яқин масофадан анча кучли зарба берди. Миранте хавфни бартараф этди.

• 24'

  Учрашувда темп пасайиб кетди. Томонлар хавфли вазият ташкил этишда оқсамоқда.

• 22'

  Айни дақиқаларда манкунияликлар ўйин тизгинини қўлга олишга муваффақ бўлди.

• 20'

  Дарвозабон билан бирга-бир вазиятда қолган Кавани тўпни Мирантенинг устидан ошириб дарвозага йўллади. Тўп тўсинга тегиб, майдонни тарк этди.

• 19'
  

  Пересга нисбатан жиддий қоида бузган Уан-Биссака огоҳлантирилди.

• 17'
  

  Эдинсон Кавани ўйиндан ташқари ҳолатда қолиб кетди.

• 16'

  Манчестерликлар тўп назоратини қўлга олиш орқали рақибнинг тезлигини пасайтиришга уриняпти.

• 14'

  Педронинг зарбасига аниқлик етишмади.

• 11'

  Фонсека шогирдлари тезкор гол уришга бор кучини бериб ҳаракат қилмоқда.

• 9'

  Манчини рақиб ярим майдонида Погбани йиқитди. Ҳакам ўйинни тўхтатди.

• 8'

  "Рома" футболчиси бўш қолган дарвоза қаршисида қолишига Де Хеа йўл қўймади.

• 7'

  Пеллегрини жарима майдони ташқарисидан хавфли зарба берди. Бироқ тўп мўлжалга аниқ бормади.

• 5'
  

  Бурчакдан етказиб берилган тўпни Мхитарян дарвозага йўллади. Тўп дарвоза тўрига ташқи томондан тегди.

• 4'
  

  Илк хавфли зарба мезбоналрда: Манчинининг яқин масофадан берган зарбасини Де Хеа қайтариб қолди.

• 2'

  Римликлар дастлабки дақиқалардан кучли прессинг уюштирмоқда.

• 1'
  

  Учрашувга старт берилди!

• 0'

  Футболчилар майдонга тушиб келди. Ўйин бир неча дақиқа ичида бошланади!