Зарруҳ Адашев "Muradov_Professional_Liga" турнирида жанг қиладими ёхуд унга қайси промоушендан таклиф бор?

Бир неча кун аввал, истеъдодли ММА мураббийи Жасур Алижонов билан суҳбатлашганимизда Muradov_Professional_Liga турнирларида Зарруҳ Адашевни жанг қилишини хоҳлашини айтган эди. 

Мазкур масала юзасидан биз Зарруҳ билан боғланиб, унинг бу борадаги фикрлари билан қизиқдик. 

- Аввало, эътибор учун катта раҳмат. Бироқ, мен ҳозир йил бўйи жанг қила олмайман. Чунки, жароҳатим бор ва ушбу жароҳатни даволаб олганимдан кейин яна октагонга қайтаман. Ҳозирда менга "Bellator" дан таклиф бор ва катта эҳтимол билан кейинги фаолиятимни ушбу промоушен билан боғлайман. 

Эслатиб ўтамиз, ҳамюртимизнинг UFC билан амалдаги шартномаси бекор бўлган ва ҳозирда юртимизда жароҳатини даъволаш билан машғул. Шу ўринда айтиб ўтиш жоизки, Адашев жаҳоннинг "Glory", "Bellator" ҳамда UFC промоушенларида жанг қилган илк ўзбекистонлик спортчи ҳисобалнади.