"Ювентус" Виллианни текинга ўз сафига қўшиб олиши мумкин

Туриннинг "Ювентус" клуби "Челси" вингери Виллианни ўз сафига қўшиб олмоқчи. Бу ҳақда The Telegraph нашри хабар тарқатмоқда.

Айтиш керакки, 31 ёшли бразилиялик футболчининг “аристократлар” билан амалдаги шартномаси жорий мавсум сўнггида ўз ниҳоясига етади. Шу боис у “кекса синьора” сафига эркин агент сифатида текинга бориб қўшилиши мумкин.

Ўз навбатида “Челси” Виллианга шартномани узайтиришни таклиф қилганини айтиш лозим. Бироқ, томонлар ҳозирча бу борада аниқ тўхтамга кела олишгани йўқ.

Маълумот учун, Виллиан “Челси” сафида 2013 йилдан буён тўп суриб келмоқда. У ўтган давр мобайнида жами 203 та ўйинда майдонга тушди ва 28та гол уришга эришди.