"Ювентус" Мойзе Кин билан шартномани узайтиради

Туриннинг "Ювентус" клуби раҳбарияти жамоа ҳужумчиси Мойзе Кинга янги шартнома таклиф қилмоқчи. Бу ҳақда Goal.com хабар тарқатмоқда.

Юқоридаги манбаага кўра “кекса синьора” футболчисининг Италия терма жамоаси сафида кўрсатган ёрқин ўйинлари сабаб шундай қарорга келган. Боиси, сўнгги пайтларда унга кўплаб гранд клублардан қизиқишлар пайдо бўла бошлади.

Маълумот учун, Кин жорий мавсум “Ювентус” сафида бирорта ҳам учрашувда иштирок этмади. Унинг трансфер баҳоси эса 15 млн еврони ташкил этади. Унинг туринликлар билан амалдаги шартномаси 2020 йилга қадар имзоланган.