"Ювентус" "Брайтон" ярим ҳимоячисини олмоқчи

"Брайтон"да тўп сураётган ярим ҳимоячи Мэтт О'Райли "Туманли Альбион"ни тарк этиб, Италияга йўл олиши мумкин. Бу ҳақда инсайдер Жанлука ди Марцио хабар бермоқда.

Журналистнинг ёзишича, 24 ёшли хавбек билан Туриннинг "Ювентус" клуби қизиқмоқда. Бироқ ҳозирча футболчига расмий таклиф берилмаган. Мэттнинг бозор қиймати 22 миллион еврога баҳоланмоқда.

Ўтган мавсумда даниялик футболчи "Брайтон"нинг 26та учрашувида иштирок этиб, иккита гол урди ва тўртта голли узатмани амалга оширди.