Юрист Шомуродов ва “Женоа”шартномасининг ўзига хос хусусиятини айтди
- 26-март 2021, 09:30
- Zohir Toshxo’jayev
- 0
- Футбол
Россиялик таниқли спорт юристи Михаил Прокопец журналистлар билан суҳбатда футболчиларнинг Италия клублари билан шартномалари ҳақида гапирди
Маълумки, охирги ярим йил ичида Россия чемпионатида ўйнаган уч нафар футболчи Италия клубларига трансфер қилинди. “Локомотив” етакчиси Алексей Миранчук “Аталанта”га, “Ростов” легионери Элдор Шомуродов “Женоа”га ва “Спартак” ҳужумчиси Александр Кокорин “Фиорентина”га ўтди.
Маълум бўлишича, бу трансфернинг ҳуқуқий томони билан Михаил Прокопец шуғулланган.
- Италияга қилинадиган трансферларда юристларнинг иши кўп бўлмайди. Чунки улар пухта ўйланган шартнома ишлаб чиқади. Футболчилар ва клублар ўртасида профессионал битим тузилади. Ҳажми каттагина бўлади. Уларни ўзгартириш имконсиз. Шахсий шарт ва талаблар ҳақида бир-икки саҳифа ёзилади. Оддий тарзда футболчи неча йил ўйнайди, қанча маош олади каби аниқ маълумотлар киритали холос, - деди Михаил Прокопец.
Эслатиб ўтамиз, Элдор Шомуродовнинг трансфери учун “Женоа” раҳбарияти “Ростов”га 7,5 миллион евро тўлаган ва яна 1,5 миллион еврони бонус сифатида беради. Ҳамюртимизга генуяликлар берадиган маош йилига 1,3 миллион еврони ташкил қилади.