Расман: Бабаян "Андижон" бош мураббийлигидан кетди!
- 12-апрел, 22:42
- Muhammadqodir Ruzmatov
- 0
- Футбол
"Андижон" бош мураббийи Самвел Бабаян қониқарсиз натижалардан сўнг истеъфога чиқишини маълум қилди. Бу ҳақда мутахассис ОКМКдан учралган мағлубиятдан кейин айтди.
"Раҳбарият билан гаплашдик ва жамоани бошқаси бошқариши керак. Мен ва менинг мураббийлар штаби истеъфога чиқамиз.
Фурсатдан фойдаланиб, “Андижон” клубига омад тилайман. Биринчи навбатда вазиятни ўнглашини хоҳлайман. Чемпионат ва Кубокда яхши натижаларга эришишини тилаб қоламан. Шунингдек, максимал даражада курашган футболчиларни ҳам эътироф этаман. Улар қўлларидан келганича ҳаракат қилишди.
Барча мухлисларга жамоамизни тўхтамай қўллаб-қувватлаб тургани учун катта раҳмат. Бу ерда ишлаган вақт мобайнида меҳнатимизни қадрлаб, олқишлаганлари учун ишқибозлардан миннатдорман. Нодир Тўйчиевга алоҳида раҳмат — у жамоани доим қўллаб-қувватлаб келмоқда. Унинг бошчилигидаги фан-клуб мамлакатимиздаги энг яхшилардан бири. Бундай мухлислар кўп нарсага лойиқ.
Ҳаммага раҳмат. Ўйлайманки, “Андижон”да барчаси яхши бўлади", — деди Самвел Бабаян.
Маълумот учун, "бургутлар" айни пайтда 6 очко билан 12-ўринда бормоқда.