Юқорига кўтарилиш учун ҳали анча ҳаракат қилиш керак!

Профессионал теннисчилар ассоциацияси (ATP) ўзининг янгиланган рейтингини эълон қилди.

Мазкур рейтингдан мамлакатимизнинг иқтидорли теннисчилари ҳам жой олди.

Рейтингнинг янгиланган жадвалида ўтган ҳафтада Австралия очиқ чемпионатининг саралаш баҳсларида иштирок этган Ҳумоюн Султонов 216-ўринни эгаллаган бўлса, Сергей Фомин 577-поғонадан жой олди.

Теннисчиларимиз рейтингда янада юқори кўтарилиш учун мусобақаларда муваффақиятли қатнашиши талаб этилади.

Кучли ўнликда эса Янник Синнер (Италия) 11 минг 830 очко билан карвонбошилик қилаётган бўлса, Александр Зверев (Германия) 7 минг 635 жамғариб уни таъқиб қилмоқда, Карлос Алькараз (Испания) эса 7 минг 10 очко тўплаган ҳолда учинчи поғонада қайд этилган.