Хунтелар фаолиятидаги 400-голини урди

Бугун Голландия чемпионатининг 23-турида “Аякс” ўз майдонида “Валвейк” (3:0) клубини йирик ҳисобда енгди.

Амстердамликларнинг 3-голига маҳоратли ҳужумчи Клас-Ян Хунтелар муаллифлик қилди. Эътиборлиси, бу 36 ёшли футболчи учун профессионал фаолиятидаги 400-гол бўлди. У ушбу голларнинг 151 тасини “Аякс” сафида киритганини алоҳида қайд этиш лозим.

Маълумот учун, Хунтелар фаолияти давомида шунингдек «Реал», «Милан» ва «Шальке» каби машҳур жамоаларда тўп сурган.