Холанд “Барса” ва “Реал” қизиқиши фонида якуний қарор қабул қилди
- 17-март, 16:38
- Zohir Toshxo’jayev
- 0
- Футбол
“Манчестер Сити” ҳужумчиси Эрлинг Холанн трансферлар ҳақидаги хабарлар оқимида доимий қаҳрамонга айланиб бормоқда. Айниқса, норвегиялик тўпурар келажагини гоҳ “Барселона”, гоҳ “Реал” билан боғлашмоқда.
Вазиятни El Nacional нашри журналистлари ўрганиб чиқди. Манба маълумотига кўра, 2025-2026 йилги мавсум тугагач, Холанд клубини ўзгартиришни режалаштирмаётган экан.
25 ёшли футболчи фаолиятини катта маош тўлаётган “Манчестер Сити”да давом эттиришни энг мақбул вариант эканини таъкидламоқда.
Бироқ Эрлинг Холанд яқин келажакда Испаниянинг Ла Лига чемпионатида ўзини синаб кўришни истайди, аммо бунга ҳали вақт бор. Шу боис, у келаётган ёзги трансфер ойнасини “Барселона” ёки “Реал”га ўтиш учун тўғри вақт, деб ҳисобламаяпти.
Эрлинг Холанднинг трансфер қиймати 200 миллион евро деб баҳоланмоқда. Унинг клуб билан амалдаги шартномаси 2034 йилнинг ёзигача давом этади.