"Ал-Садд" клуби бош мураббийи Хави Қатар юлдузлар лигасининг февраль ва март ойларидаги энг яхши мураббийи, деб топилди. Бу ҳақда чемпионат расмий сайти хабар тарқатмоқда.
Ўтган 2 ой давомида испаниялик мутахассис бошқарувидаги жамоа 3 та ўйин ўтказди. Шуларнинг 2 тасида ғалаба ва 1 тасида дуранг қайд этилди.
Қайд этиш лозимки, Хави ушбу мукофотни жорий мавсум 4-марта қўлга киритмоқда. Бунгача у сентябрь, октябрь ва январь ойларида ҳам Қатар чемпионатининг энг яхши мураббийи бўлганди.
Хави "Ал-Садд"ни 2019 йилдан буён бошқариб келмоқда. Унинг қўл остида жамоа бу мавсум муддатидан аввал чемпионликни нақд қилиб қўйди.
Изоҳлар (0)
Ҳозирча изоҳлар йўқ