“Барселона”га ўтишга ҳаракат қилган Неймар ПСЖдан тўғри Саудия Арабистонига йўл олди. Энди 31 ёшли форвард икки йил давомида “Ал-Ҳилол” шарафини ҳимоя қилади.
ПСЖ бу трансфердан 90 миллион евродан ортиқроқ маблағ ишлаб олади. Неймарнинг ўзи 300 миллион еврога яқин маошга эга бўлади.
Журналистлар “Барселона” бош мураббийи Хави Эрнандесдан Неймар трансферига муносабати қандай эканини сўради.
- Сизлар мендан жамоамга дахли йўқ ўйинчилар ҳақида фикр сўраяпсизлар. Бошқалар ҳақида гапира олмайман. Неймарга эса, сизлар орқали омад ва муваффақият тилаб қоламан, - деди Хави Эрнандес.
Изоҳлар (0)
Ҳозирча изоҳлар йўқ